PUPUJIAN

PUPUJIAN DI MASJID

Ari tolab kudu akur rejeng batur		Silih tanya ulah sok paluhur-luhur
Eling eling kasakabeh nu neangan		kana elmu poma ulah rek ngurangan
Kudu remen urang dina waktu ngaji		samemehna urang kadatangan pasti
Ulah ngenah-ngenah cicing keur didunya		kapan urang bakal balik teu sulaya
Ari jalan balik eta tangtu pisan		berang peting sore isuk ceuk aturan
Tingali conto nu ennges tiharela		jadi tulad awak urang moal salah
Lamun urang mang-mangkana jalan pati		mohal salah diri maneh kupur pasti
Ari ngaran kupur eta teu sulaya		kanyataan di akherat moal bagja
Bumi padung malaikat sakabehna		ngaweweleh bongan maneh didunyana
Cara sato hewan nu teuaya akal		wungkul ngalakonan nafsu rejeung dzajal
Ayena karaman kumaneh sorangan		eweuh berang euh peting sasambatan
Ngagurung ka maneh siksaan pangeran		oray kala bangsakabeh nyareureudan
Saur padung maneh naha		maneh naha waktu ibadah didunya lalawora
Kamistian maneh teh ulah campoleh		kudu warid berang peting bekeul paeh
Karasana ngagojod maneh sorangan		siksa kami teu bisa nulungan
Keur didunya bongan maneh		bongan maneh jalan ibadah ka allah sok campoleh
Teu katulah sakabeh ibadah kami		balik dunya ku maneh dipusti pusti
Saur bumi bongan maneh		pupuasan ngaler ngidul ngulon ngetan bubunghan
Suka seuri hasud dengki perucapan		ujub ria hante inget ka pangeran
Kumaneh ayena sakabeh karasa jawab		maneh taya tangan pangawasa
Yarobana wagpirlana dunubana		painaka gopiru dambiw warhana
Gusti muga ngahampura kasadaya		kana dosa gede letik sakabehna
Ieu kitab ngaran tagpirotul alam		teges na pepeling ka jalma nu awan
Hartina nubodo bangsa abdi pisan		nu ibadah lalawora kapangeran
Engges nukil jisim kuring dinten rebo		adres kuring urang kampung rawabogo
Mun teu lepat dina sasihna teh sapar		dina kaipng dua lima hante samar